જેને કોઈ પણ ટીમે ન ખરીદ્યો તે જ ખિલાડીએ ઇન્ટરનેશનલ ક્રિકેટમાં કરી ધુઆધાર બેટિંગ! એક મેચમાં આટલા બધા રન…

બ્રિટિશ ટીમે બાંગ્લાદેશ અને ઈંગ્લેન્ડ વચ્ચેની ત્રણ મેચની ODI શ્રેણી પર કબજો કર્યો હતો. ઈંગ્લેન્ડે શ્રેણીની પ્રથમ બે વનડેમાં સતત બે જીત સાથે શ્રેણીમાં 2-0ની અજેય સરસાઈ મેળવી લીધી છે. ઇંગ્લેન્ડે શુક્રવારે બીજી વનડેમાં બાંગ્લાદેશને 132 રને હરાવીને ત્રણ મેચની શ્રેણી જીતી લીધી. હવે સિરીઝની છેલ્લી મેચ સોમવારે ચિત્તાગોંગમાં રમાશે. આ મેચ જીતીને ઈંગ્લેન્ડની ટીમ શ્રેણીમાં ક્લીન સ્વીપ કરવાના ઈરાદા સાથે મેદાનમાં ઉતરશે.

ઢાકામાં રમાયેલી બીજી મેચમાં ઈંગ્લેન્ડના ઓપનર જેસન રોયે ઝડપી બેટિંગ કરતા કારકિર્દીની 12મી સદી ફટકારી હતી. જેસન રોયે ઈંગ્લેન્ડને મજબૂત શરૂઆત અપાવી હતી. રોયે પોતાની ઇનિંગમાં 124 બોલમાં 132 રન બનાવ્યા હતા. રોયે આ ઇનિંગમાં 18 ચોગ્ગા અને એક છગ્ગા ફટકાર્યા હતા. રોય લાંબા સમયથી આઉટ ઓફ ફોર્મ ચાલી રહ્યો હતો. પરંતુ આ સદી તેના મનોબળને ઘણી હદ સુધી વધારશે. આ ઇનિંગમાં રોય સિવાય કેપ્ટન જોસ બટલરે 76 રનની તોફાની ઇનિંગ રમી હતી. જ્યારે છેલ્લી ઓવરમાં મોઈન અલી અને સેમ કુરેને જોરદાર બેટિંગ કરીને ઈંગ્લેન્ડનો સ્કોર 300 રનની પાર પહોંચાડ્યો હતો.

બાંગ્લાદેશની સામે ઈંગ્લેન્ડે જીતવા માટે 327 રનનો લક્ષ્યાંક રાખ્યો હતો. પરંતુ ઈંગ્લેન્ડના ફાસ્ટ બોલર સેમ કુરેને તેના સ્પેલના પ્રથમ આઠ બોલમાં ત્રણ વિકેટ લઈને બાંગ્લાદેશની કમર તોડી નાખી હતી. જે બાદ યજમાન ટીમને રિકવર થવાની તક મળી ન હતી. સેમ કુરન બાદ આદિલ રાશિદ રાશિદે બાંગ્લાદેશના મિડલ ઓર્ડરને પેવેલિયનનો રસ્તો બતાવ્યો હતો. આ મેચમાં બંનેએ મળીને 4-4 વિકેટ લીધી હતી. બાંગ્લાદેશ માટે આ મેચમાં માત્ર શાકિબ અલ હસન જ સંઘર્ષ કરતો જોવા મળ્યો હતો. શાકિબે પોતાની અડધી સદીમાં પાંચ ચોગ્ગા ફટકાર્યા હતા. પરંતુ તે ટીમને જીત અપાવી શક્યો ન હતો.