જુવો આવતીકાલથી ભારત અને ઓસ્ટ્રેલિયા વચ્ચે ત્રીજી ટેસ્ટ મેચ, જુવો આ ખેલાડી કમિન્સનું સ્થાન લઈ શકે છે….

ભારત અને ઓસ્ટ્રેલિયા વચ્ચે ત્રીજી ટેસ્ટ મેચ 1 માર્ચ એટલે કે આવતીકાલથી ઈન્દોરમાં શરૂ થઈ રહી છે. બંને ટીમો આવતીકાલે બોર્ડર ગાવસ્કર શ્રેણીની ત્રીજી ટેસ્ટ મેચ રમશે. ભારત અગાઉ રમાયેલી નાગપુર ટેસ્ટ અને દિલ્હી ટેસ્ટ મેચ જીત્યું છે અને શ્રેણીમાં 2-0થી આગળ છે. આવી સ્થિતિમાં જો ભારત ત્રીજી ટેસ્ટ પણ જીતે છે તો શ્રેણી ભારતના નામે થઈ જશે

.

આ મેચમાં ભારતીય ટીમ પોતાની સંપૂર્ણ તાકાત સાથે ઉતરશે, જ્યારે ઓસ્ટ્રેલિયન ટીમના ઘણા ખેલાડીઓ વિવિધ કારણોસર પોતાના દેશ પરત ફર્યા છે. આવી સ્થિતિમાં ઓસ્ટ્રેલિયાની ટીમ હવે તેના અન્ય ખેલાડીઓ સાથે મેદાનમાં રમવા ઉતરશે. કેપ્ટન પેટ કમિન્સ પારિવારિક કારણોસર ઓસ્ટ્રેલિયા પરત ફર્યો છે.

 

આવી સ્થિતિમાં ઓસ્ટ્રેલિયાનો કેપ્ટન પેટ કમિન્સ હવે ત્રીજી ટેસ્ટ મેચ રમી શકશે નહીં. તેના સ્થાને ટીમના વાઇસ કેપ્ટન સ્ટીવ સ્મિથ ટીમની કમાન સંભાળશે. તે જ સમયે, એવી માહિતી પણ સામે આવી રહી છે કે ઓસ્ટ્રેલિયા ટીમ મેનેજમેન્ટ કમિન્સને બદલે મિચેલ સ્ટાર્કને ટીમમાં સામેલ કરી શકે છે.