ક્રિકેટ જગતમાં સન્નાટો ફેલાયો હતો જયારે અફઘાનિસ્તાનના આ દિગ્ગ્જનું મૃત્યુ થયું ! ટી-20 મેચમાં તો ભુકા કાઢી નાખતો…આમ થયું મૃત્યુ
શનિવારે માર્ગ અકસ્માતમાં ગંભીર રીતે ઘાયલ થયેલા અફઘાનિસ્તાનના ઓપનર નજીબ તરકાઈ મંગળવારે જીવનની લડાઈ હારી ગયા. નજીબે મંગળવારે કાબુલની એક હોસ્પિટલમાં અંતિમ શ્વાસ લીધા હતા. અફઘાનિસ્તાન ક્રિકેટ બોર્ડે પોતાના ટ્વિટર હેન્ડલ પર આ જાણકારી આપી છે.
29 વર્ષીય નજીબ આક્રમક બેટ્સમેન હતો. આ જ કારણ છે કે તેને T20 ક્રિકેટમાં પ્રથમ તક આપવામાં આવી હતી. આ પછી તે વનડે ક્રિકેટ પણ રમ્યો. તેણે એકમાત્ર વનડેમાં પાંચ રન બનાવ્યા હતા. 12 T20માં કુલ 258 રન બનાવ્યા.નજીબનો શનિવારે અકસ્માત થયો હતો. તેને કાબુલની એક હોસ્પિટલમાં દાખલ કરવામાં આવ્યો હતો. ત્યારથી આ ક્રિકેટરની હાલત નાજુક બની ગઈ હતી. અફઘાનિસ્તાન ક્રિકેટ બોર્ડના અધિકારીઓ નજીબને જોવા હોસ્પિટલ પહોંચ્યા હતા.
ICCએ પણ તેના સત્તાવાર ટ્વિટર હેન્ડલ પર નજીબને શ્રદ્ધાંજલિ આપી હતી. અફઘાનિસ્તાન ક્રિકેટ બોર્ડ (ACB) એ શનિવારે માહિતી આપી હતી કે નજીબ નાંગરહાર પ્રાંતમાં એક માર્ગ અકસ્માતમાં ગંભીર રીતે ઘાયલ થયો હતો. તેને સારવાર માટે કાબુલ લાવવામાં આવ્યો હતો. મંગળવારે સારવાર દરમિયાન નજીબનું મોત થયું હતું. નજીબ પર સર્જરી પણ કરવામાં આવી હતી, પરંતુ તેને બચાવી શકાયો નહોતો.
નજીબ એક આક્રમક ઓપનર તેમજ ઉપયોગી ઓફ સ્પિનર હતો. અફઘાનિસ્તાનની ક્રિકેટ ટીમના આ ખેલાડીને લાંબા સમય બાદ તક આપવામાં આવી છે. તેણે 12 T20 અને એક ODI રમી છે. તેણે તેની આંતરરાષ્ટ્રીય ક્રિકેટ કારકિર્દીની શરૂઆત 2014માં T20 વર્લ્ડ કપથી કરી હતી. માર્ચ 2017માં તેણે આયર્લેન્ડ સામે 90 રનની શાનદાર ઇનિંગ રમી હતી. આ ઇનિંગની ખૂબ પ્રશંસા થઈ કારણ કે તે વિકેટ પર ઘણો બાઉન્સ અને સ્વિંગ હતો. સપ્ટેમ્બર 2019 માં, તેણે બાંગ્લાદેશ સામે છેલ્લી T20 રમી હતી.
